အီလက်ထရွှန်နစ် ပစ္စည်းကိရိယာများသည် ၎င်းတို့ကိုအသုံးပြုသည့်အခါ လေယာဉ်၏ လေကြောင်းလမ်းညွှန်မှု (သို့မဟုတ်) ဆက်သွယ်မှုစနစ်များကို နှောက်ယှက်မှုများ ဖြစ်ပွားစေနိုင်သည်။ သို့ဖြစ်၍ အီလက်ထရွှန်နစ် ပစ္စည်းကိရိယာများကို လေယာဉ်ပျံတက်ချိန်နှင့် လေယာဉ်ဆင်းချိန်အတွင်း အသုံးမပြုသင့်ပေ။ ထို့ပြင် အခြားလက်ဆွဲခရီးဆောင်ပစ္စည်းများနည်းတူ စနစ်တကျ ထည့်သွင်းထိန်းသိမ်းထားရှိသင့်သည်။
ကြားဝင်နှောက်ယှက်မှုအန္တရာယ်ကို ရှောင်ရှားနိုင်ရေးအတွက် အောက်ဖော်ပြပါ အီလက်ထရွှန်နစ် ပစ္စည်းကိရိယာများ၏အသုံးပြုမှုကို အောက်ပါအတိုင်း ကန့်သတ်တားမြစ်သည်သည် -
၁။ အသုံးပြုမှုကို တားမြစ်ထားခြင်းမရှိသည့် အချိန်မရွေးအသုံးပြုနိုင်သော ပစ္စည်းကိရိယာများ
- အသေးစားလျှပ်စစ်ဓာတ်ခဲစွမ်းအင်သုံး ပစ္စည်းကိရိယာများ
- နေရောင်ခြည်ဓာတ်ခဲစွမ်းအင်သုံး ပစ္စည်းကိရိယာများ
- လျှပ်စစ်လက်ပတ်နာရီများ
- နားကြားကိရိယာ (ဒီဂျစ်တယ်ကိရိယာအပါအဝင်)
- ပေဂျာ (လက်ခံသီးသန့်)
- နှလုံးခုန်နှုန်းထိန်းကိရိယာ
- အခြားအလားတူ ပစ္စည်းကိရိယာများ
၂။ မြေပြင်တွင်သာအသုံးပြုရန် ကန့်သတ်ထားသည့် ပစ္စည်းကိရိယာများ
အသုံးပြုမှုကို လေယာဉ်တံခါးများ အနေအထားနှင့်ဆက်စပ်လျက် ကန့်သတ်တားမြစ်သည်
မိုဘိုင်းဖုန်းများကို လေယာဉ်ရပ်နားထားချိန်နှင့် အနည်းဆုံးလေယာဉ်တံခါးတစ်ချပ် ဖွင့်ထားချိန်မှအပ လေယာဉ်ပေါ်တွင် အသုံးပြုခြင်းကို ခွင့်မပြုပေ။ အကြီးတန်းလေယာဉ်မောင်/ မယ်မှ လေယာဉ်တံခါးများပိတ်သည်နှင့် ချက်ချင်း မိုဘိုင်းဖုန်းများ ဆက်လက်အသုံးမပြုရန် တားမြစ်ကြောင်း အသိပေးကြေညာမည်ဖြစ်သည်။
၃။ လေယာဉ်ပုံမှန်ပျံသန်းချိန်တွင် အသုံးပြုရန်ကန့်သတ်ထားသော ပစ္စည်းကိရိယာများ
လေယာဉ်တွင် လက်ဆွဲအီလက်ထရွှန်နစ် ပစ္စည်းကိရိယာအမှတ်အသားနှင့် ဆက်စပ်လျက် အသုံးပြုခွင့်တားမြစ်ကန့်သတ်သည်
- မိုဘိုင်းဖုန်း (Light mode တွင်သာထားရန်)
- လက်တော့ပ်နှင့် CD ROM သို့မဟုတ် DVD drives
- လက်ကိုင်အသေးစားကွန်ပြူတာများ
- ပရင်တာမပါသော လက်ကိုင်ဂဏန်းတွက်စက်များ
- အိတ်ဆောင်နားသောတဆင်စရာ ကိရိယာများ (Walkman၊ CDP-Player၊ mini၊ disc-player၊ MP-3 Player)
- ကွန်ပြူတာဂိမ်း
- ဗွီဒီယိုကင်မရာနှင့် အသံဖမ်းစက် (ဒီဂျစ်တယ်အပါအဝင်)
- အချိန်ပြစက်ကဲ့သို့ Display units (ကတ်သုတ်ရောင်ခြည်ပြွန်မှတပါး)
- လက်ကိုင်တည်နေရာအချက်ပြစက်များ
- လျှပ်စစ်မုတ်ဆိတ်ရိတ်စက်
- အီလက်ထရွှန်နစ် ကစားစရာများ (အဝေးထိန်းကိရိယာမပါ)
- အခြားအလားတူအမျိုးအစား ပစ္စည်းကိရိယာများ
မှတ်ချက် - ခရီးဆောင် အီလက်ထရွှန်နစ် ပစ္စည်းကိရိယာများကို Flight mode (သို့မဟုတ်) Flight Safe Mode၊ off line (သို့မဟုတ်) radio wave Off Mode စသည့် အလားတူအနေအထားမျိုးဖြင့် အသုံးပြုရန် ခွင့်ပြုထားသည်။
၄။ လေယာဉ်အတွင်းအသုံးမပြုရန် တားမြစ်ထားသောပစ္စည်းကိရိယာများ - အသုံးပြုမှုတားမြစ်ထားသည်
- ရည်ရွယ်ချက်ရှိရှိဖြင့် ရေဒီယိုကြိမ်နှုန်း ထုတ်လွှင့်ပေးနိုင်သည့် ကိရိယာများ
- စကားပြောစက်များ (ဝေါ်ကီတော်ကီများ)
- အဝေးထိန်းကိရိယာဖြင့် ထိန်းချုပ်နိုင်သည့် ကစားစရာများ
- ကတ်သုတ်ရောင်ခြည်ပြွန်ဖြင့် အချိန်ပြစက်ကဲ့သို့ Display units
- ကြိုးမဲ့ကွန်ပြူတာကိရိယာ (Mouse)
- ကွန်ပြူတာပရင်တာများ
- CD-Writer နှင့် mini disk အသံဖမ်းစက် (in recording mode)
- ကြီးမားသည့် ခရီးဆောင်စတူရီယို
- အိတ်ဆောင်ရေဒီယို (AM/ FM)
- TV ဖမ်းစက်
- အပူချိန်၊ ဖိအားစသည် တိုင်းတာချက်များကို ရေဒီယိုဖြင့် အဝေးသို့ပေးပို့နိုင်သည့်စနစ် ကိရိယာ
- Blue-tooth ပစ္စည်းကိရိယာများ
- အခြားအလားတူ ပစ္စည်းကိရိယာအမျိုးအစားများ
၅။ သက်ဆိုင်ရာ အင်ဂျင်နီယာအဖွဲ့အစည်းထံမှ ပစ္စည်းတစ်ခုချင်းစီအတွက် ဆုံးဖြတ်ချက်ရယူရန်လိုအပ်သည့် ပစ္စည်းကိရိယာများ (ကန့်သတ်ချက်။ အဆိုပါပစ္စည်းကိရိယာသည် ရည်ရွယ်ထားသည့်လေကြောင်းခရီးစဉ်တွင် တပ်ဆင်ပြသရန်လိုအပ်သည်)
- လေထဲမှတဆင့် ဗွီဒီယိုဖြင့် ညှိနှိုင်းဆွေးနွေးမှုပြုလုပ်ရန် စက်ပစ္စည်းတပ်ဆင်မှု
- အထူးကုန်ပစ္စည်း ဘက်စုံသုံးပစ္စည်းကိရိယာ
- အထက်ပါ ပစ္စည်းကိရိယာအမျိုးအစားများတွင် တိကျစွာအမျိုးအစားခွဲခြားနိုင်ခြင်း မရှိသည့် အခြားပစ္စည်းကိရိယာများအားလုံး
အထက်ဖော်ပြပါစာရင်းမှာ ပစ္စည်းအမျိုးအစားတစ်ခုအတွင်း ပါဝင်နိုင်သည့် အလားတူပစ္စည်းကိရိယာများ၏ နမူနာများကို ဖော်ပြထားခြင်းဖြစ်သည်။ အကြီးတန်းလေယာဉ်မောင်/ မယ်သည် ခရီးသည်တစ်ဦးမှ အဆိုပါ လျှပ်စစ်ပစ္စည်းကိရိယာများအနက်မှ တစ်မျိုးမျိုးကို အသုံးပြုနေကြောင်း တွေ့ရှိပါက လေယာဉ်မှူးသို့ သတင်းပေးပို့ရမည်။
လေယာဉ်မှူးသည် လေယာဉ်ပျံသန်းမှုမည်သည့်အဆင့်တွင်မဆို ဘေးအန္တရာယ်ကင်းရှင်းရေးအလို့ငှာ လိုအပ်ပါက အီလက်ထရွှန်နစ်ပစ္စည်းကိရိယာ မည်သည့်အမျိုးအစားကိုမဆို အသုံးပြုနေခြင်းအား တားမြစ်မည်ဖြစ်သည်။
